I september er det fleire arrangement med fokus på å komme seg ut på tur. Søndag 3. september kan du delta på Julsundmarsjen og så bli med på bursdagsfeiringa til Aukra kulturhus som feirar eitt år! Friluftslivets veke og Stikk UT! Festival 2023 startar i september og 3. september er det Kom deg ut-dagen, i regi av DNT. Lokalt her i Aukra har vi mange fine turmål å velge i mellom.
Julsundmarsjen søndag 3. september
Julsundmarsjen blir arrangert av Julsundmarkas venner og går til Fangholsetra, Eidskremheia og Rishaltheia. Dette er den 38. Julsundmarsjen. Registrering og premiering på Fangholstra kl. 11–15.
Fangholsetra er ein fin familietur på skogsvei, turane til Eidskremheia og Rishaltheia er lengre turar på sti.
Deltakaravgift: Vaksen kr. 60,-, Barn kr. 30,-, Familie kr. 150,-
Premiering: 3,6,10,15,20,25 og 30 år deltakelse.
Servering av gratis pølse, kjeks, saft og kaffe på Fangholsetra.
Les meir på Facebook-arrangementet til Julsundmarkas venner
Bursdagsfeiring - Aukra kulturhus feirar 1 år 3. september!
Friluftslivets veke 2.–10. september
Friluftslivets veke har som mål å få fleire ut i naturen, ha det kjekt og skape gode minner! Det er Norsk Friluftsliv og dei norske friluftslivsorganisasjonene som står bak initiativet. Denne veka inviterast alle i heile Noreg til å bli med ut i naturen og over heile landet kan ein delta på spennande friluftslivsaktivitetar i regi av lokale lag og foreninger, organisasjoner, friluftsråd og kommunen der ein bur.
Les meir om Friluftslivets veke og sjå ulike arrangement
Stikk UT! Festival 1.–10. september
Friluftsråda i Møre og Romsdal og Heim gjentek suksessen frå i fjor og inviterer til markering av Friluftslivets veke med ei feiring av Stikk UT! og den enorme turgleda som finns i fylket vårt. Ta gjerne med deg nokon på tur, er oppfordringa, når Stikk UT! også i år sett fokus på verdien av å vere ute i naturen - saman!
Les meir om Stikk UT! Festival og sjå turmål
