Vi har gleda av å introdusere eit nytt tilbod i Aukra kulturhus for alle heimebuande seniorar i Aukra kommune - Aukra frivilligsentral og Aukra bibliotek inviterar til Gamingkafé.
Annakvar fredag frå 14. mars, kl. 11.00–13.00, tek vi fram ulike brettspel og vil ha eit hovudtema for kvar gong. Fredag 14. mars skal vi prøve oss på teppecurling. Ta med godt humør og kom til Soltun scene og test ferdigheitene dine på spelefronten. Kanskje du vert ein ekte gaming-mester før du veit ordet av det!
Vi har åpen kafé med sal av kaffi og noko godt attåt. Velkommen!
Aktuelle spel:
- brettspel
- teppecurling
- nintendo switch
- sjakk
- bingo og mykje meir
