Om bassenget:
- Bassenget er 12 × 25 meter.
- Bassenget kan delast i to med ein skillevegg. Då kan vi tilby ulike aktivitetar samtidig, til dømes mosjonssvømming på den eine sida og leik, moro og familie på den andre.
- Skilleveggen gjer det mogleg å ha ulik temperatur i dei to bassengdelane. Den eine delen har heve- og senkebunn, som gjer bassenget meir tilgjengeleg for ulike behov.
- Det er trapp ned på den eine sida og rampe på den andre sida.
- Du òg nytte boblebad, kald dusj og badstover.
- Vi har volleyballnett som kan settast opp på forespurnad til badevertene når det er leik-moro og familie.
- Hinderløypa vert lagt ut første fredagen i kvar månad når det er leik-moro og familie.
Temperatur i bassenget:
- Trening i regi av Aukra Revmatikerforening: 34 grader
- Tysdag-fredag: 29,5-30 grader
- Laurdag-søndag: 32 grader
- Babysvømming: 33 grader
Babysvømming:
Babysvømming er ein triveleg familieaktivitet der barnet er saman med ein eller to foreldre i vatnet. Å vere i vatn gjev ein unik rørslefridom og styrkar barnet sosialt og motorisk. Barn som er vande med vatn, vert tryggare i vatnet og lærer lettare å symje. Dette er babysvømming utan instruktør, men badevaktene er tilgjengelege. Du kan få kjøpt badebleiar.
- Babysvømming søndagar kl. 11–12 - Søsken kan også vere med på babysvømming på søndagar.
- Babysvømming tysdagar kl. 10–11 - For deg som er heime med små barn på dagtid.
Organisert trening i bassenget:
Aktiv senior/aktiv på dagtid
Aktiv senior/aktiv på dagtid tilbyr bassengtrening. Du kan komme på prøvetime. Medlemskontigent: kr 400,- pr. halvår. Om du har spørsmål ta kontakt med folkehelsekoordinator Tove Charlotte Æsøy, tlf: 90809646.
Les meir og meld deg på
Aukra Revmatikerforening - Trening i varmt vann med instruktør
Måndagar kl. 18.00–19.30 i bassenget i Aukra kulturhus
Tysdagar kl. 16.00 - 17.30 i bassenget i Aukra kulturhus
Maks 20 personar pr. gruppe. Tilbodet er ope for alle.
Påmelding pr. sms til tlf: 93 40 98 65.
Pris: 60,- for medlemmar i Aukra Revmatikerforening/ 120,- for andre.
Kjøp klippekort eller Vipps til 114981.
Kontaktperson Aukra Revmatikerforening: Astrid Pedersen tlf. 93 40 98 65
