Utstillingar

I haust kan du få med deg mykje spennande kunst i Aukra kulturhus!

Kunstutstilling Aukra kulturskole, "I Gustav Klimt si ånd", 14.–27. oktober i Liljå

Elevane på kunstfag i Aukra kulturskole stiller ut maleri etter inspirasjon frå kunstnaren Gustav Klimt.

Utstillinga er open frå 14.–26. oktober, i biblioteket sine opningstider. Velkommen!

Kunstutstilling Renee Christine Kårstein, 28. oktober–7. november i Liljå

Måndag 28. oktober er Renee Christine Kårstein tilbake med ei ny utstilling i Liljå. Denne gongen har Renee med seg eit breitt utval bilete innan ulike teknikkar, som akvarell, akryl og kullstift. Renee lar seg inspirere av både dyr, natur, sjø og meir abstrakte motiv.

Teikning og måling har vore ein del av heile livet og er noko ho kosa seg med, sier Renee. På Harøya er ho med i ein gjeng som kallar seg “Mal i vei”, som gjerne inviterer kurshaldarar på besøk for å lære meir.

For å få ny inspirasjon har Renee vore på fleire kurs, mellom anna teiknekurs med Liz Roberts i Aukra kulturskole, kurs med Enhver Garshi, akvarellkurs med Helge Bjørnsen og på kurs med Åse Huse lærte ho meir om å måle dyr og fuglar.

Om seg sjølv seier Renee at ho er “hauing” frå Smågehaugen på Gossen, med ei stor slekt. Ho vart 50 år i sommar og fekk verdens finaste rosaparty. Trebarnsmor og har nettopp blitt bestemor, elskar mammarollen og føler seg heldig har fått verdens beste barn og barnebarn. Renee lever livet med ein fantastisk sambuar og sine elskede kattar Fiona og Willmann. Sambuaren Roar er den som får Renee til å lande litt om ho blir for høgtflygande, seier ho. Saman kjøyrer dei motorsykkel og har hatt mange fine turar.

Ta turen til kunstutstillinga i Liljå og sjå bileta som Renee stiller ut. Utstillinga er open i bibliotekets opningstid i perioden 28. oktober–7. november.

Tidligare utstillingar hausten 2024:

Pop-ut utstilling Galleri Sand, 18.–22. september i Wickssalen

Den populære pop-up utstillinga til Galleri Sand har besøkt over nitti stadar i landet dei siste åra, med over 700 000 besøkande. No står Aukra og Aukra kulturhus for tur!

Vi får besøk av Aune Sand som vil fylle heile Wickssalen med vakker kunst frå Galleri Sand. Der får du sjå Vebjørn Sand sine finaste kunstverk frå Roseslottet, Sydpolen, akt, portretter og norsk natur. Samt Marianne Aulie sine glade og fargerike Optimister og Øivind Sand sine vakre kystmotiv!

Utstillinga er open 18.–22. september kl. 12–18. Ta turen til Aukra og få med deg denne unike utstillinga.

Utstilling: Siri Kathrine Rude og Mette Rude, 7. sept–9. okt i Liljå

Søstrene Siri Kathrine Rude og Mette Rude skal stille ut nokre av sine verk i Liljå. Utstillinga opnar med vernissage i Liljå laurdag 7. september kl. 12.00. Du kan sjå utstillinga i biblioteket si opningstid til og med 9. oktober.

Her kan du oppleve bileter og objekt som alle har blitt til gjennom leik med materialer og teknikkar. Det er tradisjonelle tekstil-teknikkar som innfarging med naturmaterialer, vev, strikk og broderi som møter papir og porselen. Du får sjå resultatet av gamle knytteteknikkar som varafell og åkle.

Foto: Bjørn Foss